|
Серабро (лац.: Argentum) Ag — хімічны элемент I групы перыядычнай сістэмы; атамны нумар 47. Бліскучы белы метал.
Прыродныя крыніцы
Па распаўсюджанасці ў зямной кары займае 67-е месца сярод элементаў. Самароднае серабро і яго мінералы — рэдкія, асноўная маса серабра атрымліваецца пры дабыванні іншых металаў, галоўным чынам свінцу і медзі. Буйныя радовішчы сярэбраных руд — у Мексіцы і ЗША.
Прымяненне
Спецыяльнае хімічнае абсталяванне і апаратура для харчовай прамысловасці. Пакрыцці дэталей адказнага прызначэння ў электроніцы і радыётэхніцы. Фотаматэрыялы. Ювелірныя вырабы.
|