Паўночная Амерыка

Article on other languages:

Паўночная Амерыка з космасу

Паўно́чная Аме́рыка – адзін з шасці кантынентаў Зямлі, знаходзіцца ў заходнім паўшар'і, паміж Ціхім і Атлантычным акіянамі. Аддзелены ад Азіі пралівам Берынга, ад Паўднёвай Амерыкі Панамскім каналам. Паўднёвая частка кантынента, паводле этнакультурнай прыкметы, уваходзіць у Лацінскую Амерыку.

Плошча: 24,2 млн. км².

Колькасць жыхароў: 493 млн (2001 год).

Даўжыня з поўначы на поўдзень – 7,2 тысяч кіламетраў, з захаду на ўсход – 6,8 тысяч кіламетраў, даўжыня берагавой лініі – 75,5 тысяч кіламетраў. Найбольшыя паўвостравы: Лабрадор, Фларыда, Каліфорнія. Да Паўночнай Амерыкі адносяць астравы Грэнландыя, Зямля Баффіна і Куба. Сярэдняя вышыня над узроўнем мора – 677 метраў, найвышэйшы пункт знаходзіцца ў Кардыльерах (г. Мак-Кінлі, 6194 м), найніжэйшы пункт – ў Даліне Смерці (–86 метраў). Больш за 64% паверхні ляжыць вышэй за 300 метраў; уздоўж заходняга ўзбярэжжа знаходзяцца Кардыльеры (сейсмічна актыўныя). На ўсход ад іх цягнецца Вялікая Раўніна, далей на ўсход Апалачы і нізіннае ўсходняе ўзбярэжжа. Галоўныя рэкі: Місісіпі, Місуры, Макензі, Юкон; азёры: Верхняе, Гурон, Мічыган, Вялікае Мядзвежае, Эры. На поўначы кантынента тундра, хваёвыя лясы якія пераходзяць у змяшаныя і шыракалісныя лясы, у цэнтральнай частцы кантыненту – прэрыі, на паўднёвым захадзе – пустыня і паўпустыня. У Кардыльерах знаходзяцца горныя хваёвыя лясы і альпійскія лугі; на ўзбярэжжах Цэнтральнай Амерыкі – раўнінныя лясы. Фаўна прадстаўленая вельмі шырока: паўночны алень, віргінскі алень, мядзведзі (грызлі, барыбал), бізоны і г.д. У Паўночнай Амерыцы жыве 8% чалавецтва (еўрапеоіды, негроіды і індзейцы), значныя абшары кантынента бязлюдныя (Паўночная Канада, Грэнландыя), найбольш населеныя Бермуды і паўночна-ўсходняе ўзбярэжжа ЗША. Гарадское насельніцтва складае каля 75%. Найбольшыя гарады Паўночнай Амерыкі – Мехіка (15,3 млн. чал.), Нью-Ёрк (7,4 млн. чал.) і Лос-Анджэлес (3,6 млн.чал.). Краіны, якія знаходзяцца ў Паўночнай Амерыцы:

Вонкавыя спасылкі

Commons
У ВiкiСховішчы ёсць выявы з тэмай:
Паўночная Амерыка
Рэгіёны света
Амерыка Паўночная · Карыбы · Лацінская · Цэнтральная · Паўднёвая
Еўропа Паўночная · Заходняя · Цэнтральная · Усходняя · Паўднёвая
Азія Заходняя  · Центральная · Усходняя · Паўднёвая · Паўднёва-Усходняя ·
Блізкі Усход · Сярэдні Усход · Далёкі Усход
Афрыка Паўночная · Заходняя · Цэнтральная · Усходняя · Паўднёвая
Акіянія Аўстралія · Новая Зеландыя · Меланэзія · Мікранэзія · Палінэзія
Полюсы Арктыка · Антарктыка
Акіяны Атлантычны · Індыйскі · Паўночны · Ціхі  · Паўднёвы
Узята з "http://be.wikipedia.org/wiki/%D0%9F%D0%B0%D1%9E%D0%BD%D0%BE%D1%87%D0%BD%D0%B0%D1%8F_%D0%90%D0%BC%D0%B5%D1%80%D1%8B%D0%BA%D0%B0"

This article is from Wikipedia. All text is available under the terms of the GNU Free Documentation License.